Zymer Bytyqi njihet për golat e bukur që shënon dhe sot ka realizuar një kryevepër në elitën e futbollit norvegjez. Sulmuesi i djathtë i Viking, ekip ku luajnë edhe Veton Berisha (titullar) e Ylldren Ibrahimaj (në stol) ka gjetur rrugën e rrjetës në takimin jashtë fushe me Stabaek.
Vendasit kaluan të parët në avantazh pas gjysmë ore lojë, ndërsa lojtari i Kosovës (ka debutuar me dardanët në miqësoren e janarit kundër Suedisë) barazoi shifrat katër minuta përpara fundit të pjesës së parë.
Bytyqi dhuroi një goditje të mrekullueshme me të djathtën nga larg dhe topi përfundoi në trekëndëshin e portës kundërshtare. Rrjeta e nëntë në kampionat për 24-vjeçarin shqiptar të lindur në Belgjikë, teksa numëron edhe 5 asiste.
Istanbulspor nuk shkoi më shumë se një barazim ditën e sotme. Skuadra e Eduart Rrocës dhe Kristal Abazajt, barazoi 1-1 jashtë fushe përballë Keciorengucu. Vendasit gjetën golin në pjesën e parë, teksa Abazaj fitoi një penallti 13 minuta nga fundi.
İçimden Arnavutlar bu maç yok diyordum ki Kristal Abazaj sahneye çıktı ve takımına penaltı kazandırdı.
Abazaj, Burak Kapacak ile birlikte bu ligin tartışmasız en iyi sol açığı…
Keçiörengücü: 1 – İstanbulspor : 1 pic.twitter.com/JFgT9TKM9w
— PTT Championship (@PttChampionship) November 1, 2020
Ekzekutimin e mori përsipër Ergun, i cili nuk gaboi nga pika e bardhë. Të dy lojtarët shqiptare e zhvilluan të plotë ndeshjen e sotme, ndërsa pika e marrë mban Istanbulspor në krye të divizionit të dytë të futbollit turk. /abcnews.al
