Rifillimi i Atletico Madrid nuk është i duhuri, pasi ka barazuar në transfertë me Athletic Bilbao. Takimi u mbyll me rezultatin 1-1 dhe loja ishte e balancuar, madje vendasit kërkuan diçka më tepër dhe ishin të parët që e gjetën rrugën e rrjetës,
Të dy golat u shënuan harkun kohor të tre minutave. Fillimisht ishte Iker Munian, i cili shtangu Oblak me një gjuajtje me të jashtmen. Goli i pestë për kapitenin e skuadrës baske, i cili së bashku me shokët e tij nuk festuan dot gjatë.
Avantazhi i vendasve zgjati vetëm dy minuta. “Colchoneros” reaguan dhe barazuan shifrat me anë të brazilianit Diego Costa. Sulmuesi mori një asist nga kapiteni Koke dhe nuk gaboi përpara portës kundërshtare.
1-1 dhe tentativat e të dyja skuadrave vijuan deri në fund, për të shënuar golin që u jepte tre pikët. Atletico Madrid me siguri do t’i qajë këto dy pikë, pasi Real Sociedad ka mundësinë të shkëputet me dy pikë më shumë në vendin e katërt, në rast se ia del të fitojë në shtëpi me Osasuna /abcnews.al
