Dy persona u dërguan në spital pasi u sulmuan nga një ari në qytetin sllovak Liptovsky Mikulas, thanë shërbimet e urgjencës.
Një grua 49-vjeçare ka pësuar lëndime në shpatull, ndërsa një 72-vjeçar ka pësuar lëndime të rënda në kokë. Pas kësaj, policia e ndoqi ariun në pyll.
Lajmi erdhi pasi një grua 31-vjeçare nga Bjellorusia humbi jetën duke u përpjekur të shpëtonte nga një ari i murrmë në malin e afërt Donya Tatra, shkruan BBC.
Ajo ishte duke ecur me një burrë në një zonë me pyje të dendur dhe gryka të thepisura kur para i doli një ari. Ajo dhe burri u larguan në drejtime të ndryshme, dhe trupi i saj u gjet më vonë nga një qen.
Videot në rrjetet sociale tregojnë një ari duke ecur përgjatë rrugës dhe duke u hedhur mbi një burrë në trotuar.
‼️? Bear in the center of Liptovský Mikuláš #ThisIsSlovakia
?: Marika Trnkova Bizubova / Facebook #medved #bear #medvednica #medveď #slovensko #slovakia #liptovskymikulas #danger #wildlife #animal #bears pic.twitter.com/kx76SmFJUZ
— This Is Slovakia (@ThisIsSlovakia_) March 17, 2024
Vitet e fundit, sulmet e ariut të murrmë ndaj njerëzve janë bërë më të shpeshta në Sllovaki.
Mbrojtja më e mirë e natyrës dhe e kafshëve në Evropën Qendrore dhe Lindore që nga viti 1989 ka kontribuar në kthimin e arinjve në habitatet e tyre natyrore në të gjithë Karpatet, një varg malor që shtrihet nga Rumania përmes Ukrainës perëndimore deri në Sllovaki dhe Poloni./abcnews.al
