Një tjetër “snajper” po i afrohet aktivizimit në kombëtare. Një tjetër shqiptar i Kosovës, me emrin Albion Ademi, po shkëlqen në ligën e Finlandës duke shënuar e shërbyer asiste. Edhe pse vetëm 21 vjeç, ai është goleadori më i mirë i Superligës së vendit nordik, me 10 gola për Mariehamn, ndërsa ka dhënë edhe 3 pasime për gol.
E gjitha kjo në vetëm 12 javë, duke lënë pas sulmuesin Riski të HJK Helsinkit, si dhe shumë të tjerë. Pasi shkëlqeu me ekipin e tij të mëparshëm, Inter Turku, Ademi u bashkua me Mariehamn në janar të këtij viti.
מחזור 12: ⚽⚽
מחזור 13: ⚽
Albion Ademi (1999, ????)
מלך השערים כרגע בליגה הפינית, עם 10 שערים ב 12 משחקים ? https://t.co/PURkh2CP8v pic.twitter.com/Z5oIcTEZYD
— סקאוט בְּשֶׁקֶל | ScoutBshekel (@ScoutBshekel) August 31, 2020
Së fundmi, realizoi me goditje dënimi një ditë më parë në fushën e HJK Helsinkit, duke barazuar përkohësisht rezultatin nw 1-1, ndonëse përfundimi ishte një humbje e thellë 1-6 përballë kryesueses së kampionatit.
Falë kontributit të madh të sulmuesit shqiptar, Mariehamn është në vendin e pestë dhe pretendon kualifikimin për në Ligën e Europës sezonin e ardhshëm. Ademi ka shënuar plot gjysmën e rrjetave të skuadrës, ndërsa pritet të luajë një rol të rëndësishëm në Shqipërinë U21 të drejtuar nga trajneri Alban Bushi, ku ka luajtur deri tani 3 ndeshje, pasi bëri 18 paraqitje për ekipet kombëtare të moshave të Finlandës. /abcnews.al
