Një aksident ka ndodhur në Bulevardin “Dëshmorët e Kombit” pak minuta më parë, ku janë përfshirë dy makina.
Dy automjetet të cilat janë përplasur kokë më kokë janë një “Audi A2” me targa AA 572 VG dhe një mjet tip “BMW” me targa AA 161 Zh.
Duket se pas përplasjes personat që kanë qenë në brendësi të mjeteve janë lënduar.
Në vendin e ngjarjes ka mbërritur menjëherë efektivët e policisë rrugore, dhe autoambulanca për të dhënë ndihmën mjekësore.
Njoftimi i policisë:
Tiranë/Informacion paraprak
Më datë 23.07.2020, rreth orës 17:15, në bulevardin “Dëshmorët e Kombit”, janë përfshirë në aksident 3 mjete. Si pasojë është dëmtuar drejtuesi i njeri prej mjeteve dhe dy pasagjeret që kanë qenë në mjetin e tij, të cilët u dërguan në spital dhe ndodhen jashtë rrezikut për jetën.
Grupi hetimor dhe shërbimet e Policisë vijojnë puna për zbardhjen dhe dokumentimin e plotë të rrethanave të ngjarjes. /abcnews.al/
