Pas eliminimit të Juventusit nga Champions League mediet italiane dhe jo vetëm nisën të aludonin në lidhje me largimin e Ronaldos, kontrata e të cilit përfundon në fund të sezonit të ardhshëm. Madje u tha se Juventusi është i gatshëm ta shesë në verë për 29 milionë euro, për të rikuperuar sadopak milionat e derdhura për të.
Dyshimet i shton edhe më shumë Marcelo. Faqja e njohur në Instagram e dedikuar vetëm për futbollin, “433” ka publikuar një video me Marcelon dhe Ronaldon, në të cilën ata festojnë së bashku me një “koreografi” interesante.
https://streamable.com/fbkhu3
“Kjo lidhje Marcelo-Cristiano”, shkruan 433, ndërkohë që braziliani ka komentuar poshtë postimit. “Së shpejti”, ka shkruar Marcelo, duke shtuar dyshimet për një rikthim në Madrid të Ronaldos, duke mos përjashtuar as kalimin e mbrojtësit në Torino. /abcnews.al
