Anija e parë, që transportonte ndihma humanitare nga korridori humanitar i Qipros, mbërriti në Gaza mbrëmë dhe shkarkoi 200 tonë ushqime, si pjesë e përpjekjes për të parandaluar që banorët të vdisnin nga uria.
#UPDATE
Despite the darkness and difficulties, activity does not stop on the ground in #Gaza to unload the 200 tons of food by @WCKitchen while the @openarms_found team provides support from the water. We witness from the sea the devastation on land. Hopefully, this corridor we… pic.twitter.com/Q8tm0E6NgG— Open Arms ENG (@openarms_found) March 15, 2024
“Pavarësisht vështirësive, puna në Gaza nuk u ndal për të shkarkuar 200 tonë ushqime.
Shpresojmë që ky korridor që po hapim sot të jetë një rrugë paralele me ato tokësore për të ndihmuar popullin e Gazës”, thuhet në deklaratë.
Megjithëse anija Open Arms ishte në gjendje të arrinte në Rripin e Gazës, ku nuk ka port mallrash, për t’u shkarkuar, ajo iu nënshtrua një “kontrolli të plotë sigurie” paraprakisht, tha ushtria izraelite.
Përveç bombardimeve dhe luftimeve, OKB-ja ka frikë nga uria e përhapur në enklavën e rrethuar palestineze, veçanërisht në veri, ku qasja është shumë e vështirë.
/abcnews.al
