Një 47-vjeçar i ka dhënë fund jetës duke u vetëvrarë me armë zjarri në Tiranë. Burime nga policia bëjnë me dije se ngjarja ka ndodhur rreth orës 14:30, në rrugën “Taulantia” në zonën e Ali Demit.
Abcnews.al mëson se viktima është Ilirjan Lezo, punonjës policie i Burgjeve.
Ende nuk dihen motive që e çuan 47-vjeçarin të marrë këtë vendim fatal për jetën, ndërkaq, policia ka nisur hetimet për zbardhjen e plotë të ngjarjes.
Njoftimi i policisë:
Më datë 09.03.2021, rreth orës 14:30, në rrugën “Taulantia” në Ali Dem, dyshohet se është vetëvrarë me armë zjarri pistoletë shtetasi I. L., 47 vjeç.
Grupi hetimor ndodhet në vendngjarje dhe po punon për sqarimin e rrethanave të ngjarjes.
g.v/abcnews.al
