Po bëhet një vit tashmë që qytetarët janë duke u përballur me çmime tepër të larta, sidomos të ushqimeve bazë, gjë që ka rënduar edhe më tepër financat e tyre. Ndër më të prekurit janë pensionistët si edhe familjet me të ardhura të ulëta, të cilët duhet të heqin dorë nga gjërat më bazike për të mbyllur muajin.
Mikrofoni i Abcnews.al është bërë një dritare e rendësishme e problematikave të ndryshme të qytetarëve shqiptarë, videot e të cilëve marrin shikime rekord duke kaluar shpesh edhe mbi 1 milion.
Sëfundmi, një ndër personazhet e rubrikës Box Bop të Abcnews.al është bërë virale në rrjetet sociale për shkak të problematikave që ajo parashtron, të cilat prekin thuajse pjesën më të madhe të shqiptarëve.
E moshuara thotë në Abcneës.al se pensionistët e kanë të pamundur t’ia dalin në situatën që është krijuar dhe është vetëm ndihma e të afërmve jashtë që i mundëson të mbajnë frymën gjallë.
“Këtu vetëm ajrin e kemi falas, por edhe ai është i ndotur”, është fjalia e pensionistës që ka bërë bujë në rrjetet sociale.
Për më tepër, ndiqni videon e plotë:
