Këngëtarja e njohur, Vesa Luma, është rikthyer në vendlindje pas një kohe të gjatë. Duke qenë se jeton prej vitesh në Zelandë të Re, ajo momentalisht po shijon një periudhë të mrekullueshme me familjen e saj në Kosovë.
Këtë herë u ka dhënë mundësinë ndjekësve të bëjnë pyetjet që dëshirojnë përmes Instastory dhe padyshim që interesi ka qenë i madh.
Ndër të tjera, Vesa është pyetur për rikthimin me një projekt të ri muzikor.
“Kur do dalësh me një këngë?”, është pyetur Luma.
“Çdo këngë që e kam realizuar deri tash e kam pas për qëllim me i rezistu kohës. Kam shumë këngë që i kam realizuar këtë vit e që i kam hedhur në kosh të plehrave-thjesht s’kanë qenë të duhurat.
“Tash që jam në tokën time besoj edhe frymëzimi është më pozitiv”, ka qenë përgjigja e këngëtares.
Sakaq, Vesa ka paralajmëruar edhe një koncert gjatë këtij viti, para Vitit të Ri./abcnews.al
