Qendra e Studimeve Albanologjike e përmbyll vitin me simbolikën e Skënderbeut, ku publikon dy kalendarë dedikuar Heroit Kombëtar. Në një intervistë për ABC Neës drejtori i QSA Marenglen Verli thotë se janë botuar dy veprat e para për periudhën e Mesjetës dhe vitin e ardhshëm do të ketë 15 botime për Skënderbeun.
Ende pa filluar viti jubile i 550 vjetorit të vdekjes se Gjergj Kastriotit Skënderbe, Qendra e Studimeve Albanologjike e nis me publikimin e dy Kalendarëve simbolikë një me gravurë dhe një ku pasqyrohen 12 bustet e vendosura nëpër botë.
Drejtori i QSA Marenglen Verli thotë se dy veprat e para pasqyrojnë nga Shkodra gjer në Vlorë nëpër Shqipërine Mesjetare dhe Regjistri i Sanxhakut të Arvanidit 1431.
Nga ana tjetër ai bën me dije se gjatë vitit të ardhshëm do të ketë 15 botime dhe një konferencë shkencore, ku do të marrin pjesë 80 historianë, të cilët do të pasqyrojnë figurën e Skënderbeut dhe periudhën mesjetare në dimension të gjerë.
Për realizimin e këtyre studimeve janë shfrytëzuar arkivat e Raguzës , Vatikanit Romës dhe Stambollit
Konferenaca shkencore rreth figurës së Skënderbeut për 550 vjetorin e vdekjes do të mbahet në fund të vitit të ardhshëm./abcnews.al
