Tashmë gjithçka flitet vetëm për vendimin e Gjykatës së BE-së dhe Superligës. Pas reagimeve të ndryshme, ka ardhur edhe ai i Florentino Perez, njëri prej mbështetësve të krijimit të Superligës.
“Ne, Real Madrid, mirëpresim me shumë kënaqësi vendimin e marrë nga Gjykata e Drejtësisë e Bashkimit Europian, e cila është përgjegjëse për garantimin e parimeve, vlerave dhe lirive tona.
Në ditët në vijim do të studiojmë me kujdes shtrirjen e kësaj rezolute, por unë parashikoj dy përfundime me rëndësi të madhe historike. Para së gjithash, se futbolli europian i kluvbeve nuk është dhe nuk do të jetë më kurrë monopol. Dhe së dyti, që nga sot klubet do të jenë pronarë të fatit të tyre. Klubet e shohin plotësisht të njohur të drejtën tonë për të propozuar dhe promovuar garat europiane që modernizojnë sportin tonë dhe tërhqein tifozë nga e gjithë bota. Me pak fjalë, sot ka triumfuar sërish Europa e lirive dhe sot ka triumfuar edhe futbolli dhe tifozët e tij.
Përballë presioneve që kemi prej më shumë se dy vitesh, sot imponohet ligji, arsyeja dhe liria. Dhe për këtë arsye, Real Madrid do të vazhdojë të punojë për hir të futbollit. Ashtu si gati 17 vjet më parë hodhëm një hap themelor në historinë e futbollit me krijimin e Kupës së Europës, sot kemi sërish detyrën dhe përgjegjësinë t’i japim futbollit europian shtysën e re që i nevojitet aq shumë.
Dhe për këtë, ne do të vazhdojmë të mbrojmë një projekt modern, plotësisht të përputhshëm me garat kombëtare, të hapur për të gjithë, bazuar në meritat sportive dhe që do të imponopjë efektivisht respektin për lojën e ndershme financiare. Një projekt që do të sjellë qëndrueshmëri ekonomike për të gjitha klubet dhe që mbi të gjitha do të mbrojë lojtarët dhe do të emocionojë tifozët në mbarë botën.
Do ta bëjmë pavarësisht fushatave që kemi pësuar dhe që pa dyshim që nga sot do të intensifikohet. Por askush nuk tha se fundi i një monopoli pas kaq shumë dekadash ishte i thjeshtë. Jemi përpara një mundësie të madhe për të përmirësuar futbollin europian të klubeve. Një futboll në kulmin e shekullit 21-të, me një qeverisje transparente, që di të jetojë me teknologjitë e reja dhe që provokon edhe një herë pasionin dhe emocionin për të cilin tifozët kanë vërtetë nevojë.
Më lejoni t’u them klubeve europiane se po përballemi me fillimin e një kohe të re në të cilën mund të punojmë të lirë nga dialogu konstruktiv, pa kërcënime, pa vepruar kundër asgjëje dhe askujt dhe me synimin për të rinovuar dhe modernizuar futbollin për të vazhduar të ushqejë pasionin e tifozëve.
Nga sot, e tashmja dhe e ardhmja e futbollit europian janë më në fund të duart e klubeve, lojtarëve dhe tifozëve të tyre. Fati ynë na përket neve dhe ne kemi një përgjegjësi të madhe para nesh. Kjo ditë do të shënojë një para dhe pas. Është një ditë e madhe për historinë e futbollit dhe për historinë e sportit”, ka përfunduar presidenti i Real Madrid, Florentino Perez./h.ll/abcne
