Protestat kundër Presidentit të Bjellorusisë, Lukashenko vijojnë prej disa ditësh që prej përfundimit të zgjedhjeve, të cilat opozita i konsideroi të manipuluara.
Në këto zgjedhje, Lukashenko fitoi me më shumë se 80 për qind të votave duke ngjallur reagimin e grupeve opozitare.
Pas zgjerimit të protestave, ai kërkoi ndihmën e Presidentit të Rusisë Putin, raporton abcnews.al.
Sëfundmi, në kryeqytetin bjellorus Minsk është parë të ulet avioni i shefit të shërbimeve sekrete ruse FSB, Aleksander Bortnikov.
Mediat e huaja raportojnë se fokusi i vizitës së tij lidhet me zhvillimet e fundit në Bjellorusi, ndërsa dy ditë më herët, drejt Minskut u nisën dy avionë ushtarakë rus, të cilët mendohet se kanë transportuar zyrtarë të lartë ushtarakë. /abcnews.al
