Vëllai i reperit vrau 30-vjeçarin, nga miqësia në tragjedi te konfliktet, gjithçka çfarë ndodhi në Ferizaj

Një ngjarje e rëndë ka tronditur reperin në trojet shqiptare. Mëngjesin e sotëm ka mbetur i vrarë 30-vjeçari, Gazmend Hyseni i njohur me nofkën “Strella”. Dyshohet se ai është vrarë nga Qëndrim Januzi me nofkën “Rifa”, i njohur si vëllai i reperit të njohur, Buta.

LEXO EDHE: Sulm me armë zjarri në Kosovë, vritet 30-vjeçari, autori kapet në vendin e ngjarjes me pistoletë në dorë

Sipas mediave vendase, gjithçka kishte nisur si pasojë e disa konflikteve mes reperëve dhe dyshohet se kjo ngjarje e rëndë u parapri nga një rrahje pak orë më parë.

Vëllai i këngëtarit Buta dyshohet se e vrau mbrëmë shokun e tij me iniciale G.H pic.twitter.com/fSiuVb94HP

— Nacionale (@Nacionaleks) May 28, 2022

Si përfundoi një miqësi me tragjedi?

Dy të përfshirët në këtë tragjedi kishin qenë miq. Mirëpo, problemet mes tyre shënuan kulmin në muajin prill me një incident. Makina e Butës ishte djegur, e i dyshuar kryesor ishte viktima e sotme, Gazmend Hyseni.

LEXO EDHE: E qëlloi dhe i ndejti te koka teksa përpëlitej, dalin pamjet e vrasjes, vëllai i reperit i drejtoi armën edhe policisë

Më poshtë janë pamjet kur ishte djegur vetura e Butës:

Vetura e reperit Buta ishte djegur në muajin prill.

I dyshuar kishte qenë edhe personi me nofkën Strella, i cili u vra nga Qëndrim Januzi (vëllau i Butës).

Pamjet: pic.twitter.com/ZsxseVrS5A

— Nacionale (@Nacionaleks) May 28, 2022

Si ndodhi e gjithë ngjarja?

Kryeprokurori i Prokurorisë në Ferizaj, Shukri Jashari ka treguar si kishte ndodhur e gjithë ngjarja. I dyshuari kryesor për këtë vrasje, është arrestuar dhe po e vazhdon trajtimin në spital. Ai madje, ka zbuluar se një polic civil ka qëlluar rastësisht në vendin e ngjarjes, duke e shoqëruar një të dyshuar tjetër për në stacion.

“Personi i dyshuar është në spital, është operuar. Rasti ka ndodhur në orët e hershme të mëngjesit rreth orës 1 të mëngjesit. Një person është vra, ka ndërruar jetë në vendin e ngjarjes.

Personi i dyshuar ka tentuar me ik, aty ka rastis polici në rroba civile, i cili ka qenë duke e transportuar një të dyshuar tjetër në Gjilan. Ai është prezantuar si polic që me u ndal i dyshuari, ai nuk është ndalë. Është rrezikuar edhe polici nga ana e të dyshuarit, dhe është detyruar me shti, e ka godit njëherë në nofull”, ka thënë Jashari.

Kënga e Butës dhe konfliktet mes reperëve

Kënga e fundit e reperit, Buta është e titulluar “Rich” (i pasur) dhe në të cilën, ashtu si edhe në të tjerat, pasqyrohet dhuna dhe kriminaliteti. Nuk dihet nëse tekti i këngës është marrë apo do të merren në shqyrtim nga hetuesit e policisë së Kosovës.