Veliaj, zyrtarisht i pandehur/ Avokati Hoxha: Në themel të çështjes, mund të ndryshohet masa në arrest shtëpiak

Avokati Arbër Hoxha thotë se drejtësia, duhet të vendosë mbi bazën e provave, duke iu referuar edhe çështjes ndaj kryebashkiakut të Tiranës, Erion Veliaj, i cili tashmë është marrë zyrtarisht i pandehur nga SPAK.

Në emisionin “Real Story” në ABC News, Hoxha u shpreh se në themel të çështjes, mund të ndryshohet masa për Veliajn, nga arrest në burg, në arrest shtëpiak.

“Drejtësia, mbi të gjitha një drejtësi funksionale dhe e guximshme, duhet të vendosë mbi bazën e provave, dhe jo mbi bazën e emrave. Që do të thotë, zoti Veliaj, unë i uroj shumë sukses në raport me fatin e vet personal, pse jo, edhe politik. Dhe mbi të gjitha, besoj se ndaj zotit Veliaj, në themel të çështjes, mund të ndryshohet masa e sigurimit, të paktën në arrest shtëpie”, theksoi ai./abcnews.al