Trajneri i Anglisë, Gareth Southgate, grumbulloi për herë të parë yllin e Leicester City, James Maddison. Vetëm pak para fluturimit drejt Çekisë mesfushori nuk ndihej mirë, çka e detyroi trajnerin ta linte në shtëpi të pushonte.
Maddison ka mednuar të “pushojë” ndryshe dhe është parë në një nga kazinotë e Leicester-it. Ndërkohë që shokët e tij luftonin në fushën e lojës për kualifikimin në “Euro 2020”, ai as nuk e ka parë ndeshjen. Mesfushori e kaloi natën duke luajtur poker, sikurse raporton “The Sun”.
Trajneri Southgate nuk do jetë aspak i kënaqur kur ta mësojë këtë lajmi. Ai e njeh të riun, madje di edhe problemet që ka kaluar te kombëtaret e moshave. Gjithsesi ai sërish i besoi dhe e grumbulloi me ekipin e parë.
Me Bullgarinë dhe Kosovën Maddison ishte i grumbulluar, por nuk i dha shansin të luante. Ka zëra se futbollisti i Leicester nuk udhëtoi me kombëtaren pikërisht sepse nuk luajti ndaj Kosovës. Flitet gjithashtu se në fund të sezonit mund të këtë një kalim të tij tek Manchester United, por sjellja e tij mund t’i bëjë “Djajtë e kuq” të mendohen mirë. /abcnews.al
