“Garanci investimeve amerikane”, ambasadorja në detyrë e SHBA takon kreun e Kushtetueses

TIRANË– E Ngarkuara me Punë e SHBA, Nancy VanHorn takoi kryetaren e Gjykatës Kushtetuese Fiona Papajorgjin.

Ambasada Amerikane në Tiranë thotë se Gjykata Kushtetuese luan rol të rëndësishëm në garantimin e drejtësisë për qytetarët.

“Sot, e Ngarkuara me Punë Nancy VanHorn përgëzoi Kryetaren e sapoemëruar të Gjykatës Kushtetuese Fiona Papajorgji dhe diskutoi se si mbështetja afatgjatë e Shteteve të Bashkuara për institucionet e zbatimit të ligjit në Shqipëri çon përpara prioritetet e Presidentit Trump: çmontimin e rrjeteve të narkotrafikut dhe krijimin e kushteve të barabarta për bizneset amerikane.

Gjykata Kushtetuese luan një rol të rëndësishëm në garantimin e drejtësisë për qytetarët shqiptarë, duke i mbajtur përgjegjës ata që shkelin ligjet e saj dhe duke ruajtur një sistem ligjor të drejtë dhe të parashikueshëm, në mënyrë që bizneset amerikane të mund të lulëzojnë.”, thuhet në njoftimin e Ambasadës Amerikane në Tiranë./abcnews.al