I nxehti i këtij viti, si dhe zjarret në pyje kanë bërë që akulli në arktik të shkojë në nivelin e tij më të ulët, për herë të dytë që prej se janë mbajtur regjistrime.
Ekspertët nga “National Snoë and Ice Data Centr” (NSIDC) zbuluan se akulli në detin e Arktikut ishte 1.44 milion milje katrorë, në fund të shkrirjes së verës vjetore.
Sipas studimit, ky është niveli më i ulët i akullit të detit, të regjistruar në fund të verës në thuajse 42 vite, qëkur satelitët nisën monitorimin. Niveli më i ulët u regjistrua në vitin 2012.
Shkak për shkrirjen e akullit mendohet të jetë temperaturat e pazakonta në Siberi si dhe zjarret e rëna në pyje rreth e qark rajonit.
Pjesëtarë të shoqatave të ndryshme ambientaliste kanë nisur të bëjnë thirrje për marrje të menjëhershme masash, duke përfshirë edhe uljen e nivelit të emetimit të gazeve serë. s.b/abcnews.al/
