Një valë vdekjeprurëse e të nxehtit ka prekur Europën Jugore dhe Afrikën veriperëndimore me ekspertët që paralajmërojnë rritje rekord te temperaturave.
Temperatura pritet të shkojë mbi 40 gradë Celsius në zona të Spanjës, Francës, Kroacisë, Greqisë dhe Turqisë, ndërsa në Itali mund të arrijë në 48.8C.
Autoritetet italiane kanë ngritur alarmin e kuq në dhjetë qytete, përfshirë Romën dhe Firencen. Disa turistë në Itali tashmë i ka rënë të fikët për shkak të nxehtësisë, duke përfshirë një britanik jashtë Koloseut në Romë.
Vala e të nxehtit, që shërbimi meteorologjik italian e quajti Cerberus (Kerveros) sipas qenit trekrerë të mitologjisë greke dhe latine, pritet të sjellë temperatura ekstreme në 24 orët e ardhshme me 40 në Sardenjë, ndërsa stuhi të forta në Lombardi në veri të Italisë shkaktuan përmbytje.
Në Spanjë, shërbimi meteorologjik paralajmëroi se temperaturat mund të shkojnë deri në 45 gradë Celsius në rajonet juglindore të Gadishullit Iberik, ku autoritetet kanë dhënë alarmin për nxehtësi ekstreme.
Temperatura ka shkuar në 45 gradë të hënën në fshatin Loja pranë Granadës në fillimin e një vale të nxehtë që ka shkatërruar Spanjën këtë javë. Vitin e kaluar mbi 60 mijë persona humbën jetën nga të nxehtit në Geria Epir dhe ekziston frika se kjo valë e të nxehtit mund të shkaktojë një numër të madh viktimash këtë verë.
Ekspertët vlerësojnë se temperaturat në Mesdhe do të rriten shumë më shpejt në krahasim me rajonet e tjera të planetit për shkak të ndryshimeve klimatike.
/abcnews.al
