Moti ekstrem ka prekur Azinë Jugore, me të paktën nëntë njerëz që ka gjasa të kenë vdekur nga goditja e nxehtësisë në Indinë perëndimore, ndërsa pjesë të Indisë lindore dhe Bangladeshit janë të rrezikuar nga një ciklon.
? A severe heatwave is expected in North India & Pakistan from this weekend, temperatures likely to cross 50°C in Pakistan. Further extending towards India, New Delhi will also be near 46-48°C next week. TC people residing in North. pic.twitter.com/M28D5aMKoR
— Mumbai Rains (@rushikesh_agre_) May 21, 2024
Temperaturat ekstreme në të gjithë Azinë në prill duket se janë përkeqësuar nga ndryshimet klimatike të shkaktuara nga njeriu, sipas një ekipi ndërkombëtar shkencëtarësh.
Temperaturat në Indi zakonisht arrijnë nivelin më të lartë në maj, por shkencëtarët parashikojnë se këtë vit do të ketë më shumë ditë të nxehta se normalja. Ata vlerësojnë gjithashtu se kjo është për shkak të reshjeve më pak se zakonisht të regjistruara para sezonit të musoneve dhe fenomenit El Nino.
Të paktën nëntë persona në shtetin perëndimor indian të Rajasthan kanë vdekur për shkak të të nxehtit, raportojnë mediat lokale. Në qytetin Barmer të Rajasthan, temperatura këtë javë ka qenë veçanërisht e nxehtë, me një rekord prej 48.8 gradë Celsius të regjistruar dje.
Në Pakistan, Ministria e Ndryshimeve Klimatike njoftoi se rreth 26 zona të vendit janë prekur nga temperaturat ekstreme që nga dita e djeshme, ndërsa vala aktuale e të nxehtit pritet të zgjasë deri më 30 maj.
Temperatura pritet të shkojë në 50 gradë Celsius sot në të paktën dy qytete në provincën jugore të Sindh.
/abcnews.al
