Loading ...
Nuk mundi të ishte tek të mirët fare, por krenaria nuk matej. Myrto Uzuni pati të njëjtin vlerësim në Ligën Profesioniste të Shteteve të Bashkuara të Amerikës si edhe legjenda e futbollit botëror, Lionel Mesi.
Sulmuesi I kombëtares shqiptare u përzgjodh të ishte pjesë e skuadrës së javës së gjashtë të kampionatit, veçse u detyrua të kënaqej si lojtar stoli, pra jo në formacion. Diçka si çmimi I lojtarit të gjashtë më të mirë që jepet në NBA.
Ylli kuqezi e mori këtë vlerësim pasi realizoi golin e parë me fanelën e skuadrës së tij, Ostin, ndërsa ishte padyshim njëri nga më të mirët në fushë.
Uzuni ia doli që në minutën e 33-të të duelit në fushën e Sent Ljuisit dhe rezultati përfundimtar ishte pikërisht 1-0.
Ostin është në vendin e dytë në Konferencën Perëndimorë me 12 pikë në 6 ndeshje. Në stol të ekipit më të mirë të javës në Shtetet e Bashkuara ishte edhe magjistari I topit, Lionel Mesi, I cili shkëlqeu fort për ekipin e tij.
Argjentinasi u kthye nga dëmtimi, duke luajtur vetëm që nga minuta e 55-të, por edhe kaq I mjaftoi që të shënonte.
