Forcat e armatosura ukrainase thonë se kanë zmbrapsur 12 sulme ruse gjatë ditës së kaluar në rajonet Luhansk dhe Donetsk. Ata gjithashtu pretendojnë se kanë rrëzuar shtatë dronë sulmues.
Në përditësimin e tij të përditshëm operacional, Shtabi i Përgjithshëm tha se ka shenja se rusët po i nxjerrin pajisjet nga magazinimi për të rimbushur njësitë.
“Sipas informacionit të disponueshëm, 17 tanke dhe 60 BMP-1 u nxorën nga magazinimi në qytetin Bohuchar të rajonit Voronezh, midis 27 prillit dhe 2 majit 2022. Ato u dërguan në territoret ukrainase të pushtuara përkohësisht nga trupat ruse.” Thuhej në deklaratë.
Shtabi i Përgjithshëm tha se forcat ruse kanë vazhduar sulmet nga drejtimi Izium dhe përpjekjet për të marrë kontrollin e plotë të qyteteve Rubizhne dhe Popasna më në lindje. Shtabi i Përgjithshëm sugjeroi gjithashtu se rezistenca po rritet në zonat e pushtuara. /abcnews.al
