Ushtria ruse po përforcon praninë e saj përgjatë kufirit verior ndërsa forcat ukrainase vazhdojnë kundërsulmet rreth qytetit të Kharkiv, sipas ushtarisë ukrainase. Kharkiv, qyteti i dytë më i madh i Ukrainës, shtrihet rreth 24 milje nga kufiri me rajonin rus të Belgorodit, sipas CNN.
Zyrtarët lokalë ukrainas në zonat në jug të Kharkiv raportuan të hënën se disa njësi ruse ishin zhvendosur në veri, ndoshta në përpjekje për të përforcuar linjat ruse të furnizimit nga Belgorod. Javën e kaluar, një video që qarkulloi në Telegram tregoi forcat ukrainase duke rimarrë fshatin Molodova, vetëm 13 milje në juglindje të kufirit Ukrainë-Rusi.
Ndërsa njësitë ukrainase kanë zbrapsur forcat ruse, rusët duket se po përgjigjen duke përdorur më shumë artileri dhe raketa përtej kufirit në rajone të tjera, tha ushtria ukrainase.
Shtabi i Përgjithshëm tha se të hënën, Rusia kishte kryer sulme me granata e raketa përtej kufirit në katër fshatra në Sumy, rreth 110 milje në veriperëndim të Kharkiv.
/abcnews.al
