Ushtria ruse rrethon qytetin lindor të Ukrainës

schedule11:33 - 3 Korrik, 2022

schedule 11:33 - 3 Korrik, 2022

Ushtria ruse ka rrethuar qytetin lindor të Ukrainës, Lysychansk, i cili konsiderohet si bastioni i fundit i madh i Ukrainës në rajonin e Luhanskut, tha agjencia e lajmeve TASS, duke cituar ministrinë e Jashtme ruse.

BBC raporton se autoritetet ukrainase nuk kanë konfirmuar ende deklaratën e ministrisë ruse, raporton abcnews.al.

Kohët e fundit trupat ruse janë fokusuar në dëbimin e forcave ukrainase nga provincat Luhansk dhe Donetsk në Donbas.

Ndërkohë kujtojmë se më herët një këshilltar i presidentit ukrainas, Volodymyr Zelenksy pranoi se Lysychansk, qyteti i fundit i mbajtur nga Ukraina në rajonin e Luhansk, mund të bjerë në duart e forcave ruse ndërsa luftimet u intensifikuan këtë fundjavë.

Oleksiy Arestovych tha se forcat ruse kaluan lumin Siversky Donets, ndërsa po i afroheshin qytetit nga veriu.

Arestovych tha: “Ky është me të vërtetë një kërcënim. Unë nuk përjashtoj asgjë. Gjërat do të bëhen shumë më të qarta brenda një ose dy ditësh.”/abcnews.al/