Vendet e Bashkimit Europian do të marrin 50 milion vaksina COVID-19 të prodhuara nga Pfizer dhe BioNTech në tremujorin e dytë të këtij viti. Lajmi është bërë me dije nga presidentja e Komisionit të BE.
Ursula von der Leyen tha se dërgesat do të çojnë furnizimet totale në BE nga Pfizer në 250 milion doza në tremujorin e dytë të këtij viti. Dorëzimi do të shpërndahet në 27 vendet e BE-së sipas përqindjes së popullsisë, shtoi ajo.
Ajo gjithashtu konfirmoi se Komisioni ishte në bisedime me dy kompanitë për një kontratë të re për 1.8 miliardë doza që do të dorëzohen në 2022 dhe 2023.
BE ka nënshkruar tashmë dy kontrata me Pfizer dhe BionTech për një total prej 600 milion dozash që do të dorëzohen këtë vit. /abcnews.al
