Studentët e universiteteve publike në vend shprehen se institucioni i arsimit të lartë ku studiojnë nuk i mbështet në tregun e punës. Agjencia e Sigurimit të Cilësisë së Arsimit të Lartë ka publikuar të dhënat e sondazhit kombëtar. Ndërsa ministrja e Arsimit Besa Shahini premton mbështetje për përmirësimin e infrastrukturës.
Universitetet publike në vend nuk i plotësojnë pritshmëritë e studentëve të tyre. Këtë mendim kanë më shumë se gjysma e pjesëmarrësve në sondazhin kombëtar hartuar nga Agjencia e Sigurimit të Cilësisë në Arsimin e Lartë.
Studentët mendojnë se 66% e personelit akademik është kompetent në shpjegimin e leksioneve, ndërkohë që infrastruktura mbështetëse sipas 55% prej tyre është e pamjaftueshme. Ministrja e Arsimit, Sportit dhe Rinisë Besa Shahini u ndal tek kjo e fundit dhe tregoi planet në vijim.
Sondazhi kombëtar i studentëve u zhvillua nga muaji prill deri në maj të këtij viti.
Nga rreth 89 mijë pyetësorë të shpërndarë në të gjithë universitetet në vend vetëm 31.2% janë plotësuar nga studentët. /ABC News Albania 24/7
