Trajneri i Everton, Carlo Ancelotti, duket se e ka marrë seriozisht aventurën e tij të re n Premier League. Sipas një raporti nga ‘The Sun’, italiani ka marë kontrollin e plotë mbi transferimet në klub.
Tifozët e kanë mirëpritur Carlon që nga zyrtarizimi i tij në stolin e Everton dhe ai ia ka kthyer me dy fitore radhazi. Tashmë pas dy ndeshjeve Ancelotti është më i qartë me lojtarët e tij dhe nuk dëshiron që të ketë largime.
Bëhet fjalë për anësorin Richarlison, i cili ka kohë që është nën radarin e Manchester United. Por, tekniku italian do të refuzojë çdo ofertë që do të vijë në drejtim të brazilianit. Edhe pse oferta nga ‘Djajtë e Kuq’ mendohet të jetë diku te 70 milionë €, ajo do të refuzohet nga Ancelotti. /abcnews.al
