Manchester United-Liverpool është kryendeshja e javës së nëntë në Premier League. Dueli do të zhvillohet të dielën, duke nisur nga ora 17:30. “Djajtë e Kuq” ndodhen në krizë rezultatesh dhe do të provojnë të ndalin kryesuesit, pavarësisht problemeve të mëdha.
Ole Gunnar Solskjaer nuk do të ketë të gatshëm dy nga lojtarët kryesorë të ekipit. David De Gea dhe Paul Pogba janë të dëmtuar dhe e kanë të pamundur aktivizimin në këtë përballje të zjarrtë.
Lajmi është konfirmuar nga vetë United në faqen zyrtare të klubit. Në këtë mënyrë vështirësohet shumë marrja e një rezultati pozitiv kundër djemve të Jurgen Klopp, të cilët kryesojnë me pikë të plota dhe ndodhen në formë fantastike. /abcnews.al
