Pak orë më parë, artisti i njohur Unikkatil publikoi projektin e ri muzikor me titull “Po eci”. Kënga vjen pas një pauze dy vjeçare nga reperi dhe bëri bujë menjëherë. Jo vetëm për faktin se mezi pritej nga adhuruesit e tij por dhe për diss-in që bëri ndaj Feros.
Ky i fundit i është referuar Unikkatilit si “picamen”, duke aluduar se reperi, i cili jeton në Shtetet e Bashkuara të Amerikës është punonjës në një piceri. Unikkatili iu është përgjigjur këtyre deklaratave përmes këngës së re, ku nuk ka kursyer ironinë.
“Mu picamen? S’je n’veti jo. Qato nuk kom folë se shihet me kohë. Vlej do milion p***, ti as ni trohë. Çka merr n’koncert ti unë lypasv’ i dho”, thotë ai. Menjëherë ka ardhur dhe reagimi i Feros, i cili i është referuar sërish si “picamen” ndërsa bërë ironi dhe me klikimet.
Ai ka publikuar një video, ku përveç Unikkatilit, ironizonte gjithashtu dhe Mozzik duke iu referuar si “Mickey Mouse”. “Isha duke shkuar në Punta Cana dhe u riktheva në Gjilan. Nesër të kallzoj. Mos harro se pasnesër del kënga dhe merr një vaselinë e lyen b****. Edhe për atë Mickey Mouse kemi diçka”, thotë ai./abcnews.al
