Festivali Multikulturor si këtë vit regjistron edicionin e tij të pestë dhe gjatë ditëve do ta kthejë qytetin e Beratit në epiqendrën e aktiviteteve kulturore.
Prej pesë vitesh në çdo verë Berati pret Festivalin Multikulturor që i jep hapësirë grupeve të muzikës së traditë dhe artistëve të rinj të sjellin artin e tyre në vendet e trashëgimisë kulturore.
Festivali Multikulturor vazhdon traditën e tij. Viti i pestë me vendtakim Beratin përveç se bën bashkë në të njëjtin mjedis grupet e njohura të muzikës popullore, pasurohet edhe me artistë të huaj, si austriakët e “Kusimanten”.
Për 2018-n është menduar që festivali të vijë nën sloganin “Unë jam trashëgimi”, që qëmton idenë e promovimit të vendbanimeve apo qendrave të arit e kulturës përmes muzikës tradicionale dhe asaj të kohës.
“Festivali Multikulturor i Beratit tregoi që në fillim që është modeli i suksesit të rijetëzimit të trashëgimisë kulturore”, tha Mirela Kumbaro.
Bashkëpunëtorë janë edhe austriakët.
“Unë gjithmonë gëzohem kur jam në Berat. Është një kënaqësi që së bashkë me ju çelim Festivalin e 5-të Multikulturor”, tha ambasadori i Austrisë, Johann Sattler.
Grupe nga Himara, Berati, Përmeti, Pleqtë e Krujës, piktorë e këngëtarë që i bashkon vënia në dukje e folklorit përbëjnë agjendën e festivalit që nisi në mbrëmjen e të Enjtes me temën e dasmës dhe mbyllet të Shtunën me një koncert të Shpat Dedës./abcnews.al
