Ukraina ka rritur importet e energjisë elektrike dhe ka ndalur eksportet pas një serie sulmesh me raketa dhe drone ruse.
“Për ditën e sotme, importet e energjisë elektrike parashikohen në 14,900 megavat orë (Mwh). Nuk pritet asnjë eksport” tha ministria e energjisë e Ukrainës.
Rusia ka thënë se sulmet e saj herët të dielën kishin në shënjestër objektet e energjisë elektrike dhe gazit të Ukrainës. Impiantet e gjenerimit dhe transmetimit u sulmuan gjithashtu nga Rusia të premten, duke shkaktuar ndërprerje të konsiderueshme në shumë rajone. /abcnews.al
