Loading ...
Këshilltari i lartë i Presidentit Volodymyr Zelensky, Mykhailo Podolyak, paralajmëroi se rusët duhet të presin “më shumë luftë” në territorin e tyre.
Podolyak gjithashtu ka postuar në Twitter për situatën në Niger, duke pretenduar se është “absolutisht e qartë” se Rusia qëndron pas grushtit të shtetit ushtarak të javës së kaluar, shkruan Sky News.
“Është një taktikë standarde ruse: të largosh vëmendjen, të kapësh momentin dhe të zgjerosh konfliktin”, shkroi ai.
Kishte spekulime se grushti ushtarak në Niger do t’i përshtatej interesave të Rusisë në rajon, veçanërisht pas samitit Rusi-Afrikë të javës së kaluar në Shën Petersburg./abcnews.al
