Forcat ukrainase do të forcojnë linjat dhe pozicionet mbrojtëse përgjatë kufirit me Bjellorusinë dhe Rusinë, tha ministria e mbrojtjes në një deklaratë.
“Zgjerimi i barrierave inxhinierike në zonat në kufi me Bjellorusinë dhe Rusinë është në vazhdim. Fushat e minuara po krijohen në zona të aksesueshme me tanke dhe shtigje të mundshme për zmbrapsjen e armikut në territorin tonë,” thuhet në njoftim.
Ushtarët ukrainas po punonin pa pushim pavarësisht kushteve të motit.
Presidenti rus, Vladimir Putin, u takua me homologun e tij bjellorus dhe aleatin e ngushtë, Alexander Lukashenko, për bisedime në Moskë të mërkurën. Moska është mbështetësi më i afërt politik dhe financiar i Minskut.
Lukashenko e lejoi Putinin të përdorte territorin e Bjellorusisë si një pikë për pushtimin e Ukrainës në shkurt 2022. Muajin e kaluar, Putin njoftoi se Rusia do të vendoste armë taktike bërthamore në Bjellorusi.
/abcnews.al
