Zyrtarët ushtarakë ukrainas kanë pretenduar një “pikë kthese” në betejën për të rimarrë në kontroll rajonin jugor të Khersonit, duke thënë se ata do të përdorin armët perëndimore për të çliruar deri në shtator qytetin e parë të madh të pushtuar nga forcat ruse, sipas The Guardian.
“Mund të themi se ka ndodhur një pikë kthese në fushën e betejës. Ne po kalojmë nga veprimet mbrojtëse në ato kundërsulmuese. “Mund të themi se rajoni Kherson do të çlirohet patjetër deri në shtator dhe të gjitha planet e pushtuesve do të dështojnë”, tha Sergiy Khlan, një ndihmës i kreut administrativ të rajonit Kherson, tha në një intervistë me televizionin ukrainas të dielën.
Presidenti Volodymyr Zelensky miratoi pretendimet për një kundërofensivë të suksesshme gjatë fjalimit të tij kombëtar të shtunën, duke thënë se forcat ukrainase po lëviznin “hap pas hapi” në qytet.
Khersoni u pushtua nga ushtria ruse më 3 mars, qyteti i parë i madh ukrainas i pushtuar nga forcat ruse që nga 24 shkurti. Zyrtarët ukrainas besojnë se trupat ruse ishin në gjendje të merrnin në kontroll vetëm një pjesë të qytetit pasi forcat ukrainase nuk arritën të hidhnin në erë urën Antonivskyi që kalon lumin Dnipro, duke lejuar trupat të hynin në qytet.
Megjithatë, një rritje e sulmeve në ditët e fundit kundër depove kryesore të armëve ruse dhe logjistikës rreth qytetit jugor e ka shtyrë ushtrinë e Ukrainës të pretendojë se forcat e saj kanë lëvizur brenda rrezes së objektivave ruse.
/abcnews.al
