Banorët e Marinzës në Rroskovec prej vitesh janë furnizuar me uji të ndotur. Kjo pasi në tubacionet e vjetëruara depërtojnë lëndë hidrokarkurbure. Bashkia ka nisur investimin për ujësjellësin e ri, por banorët kanë humbur shpresat që një ditë do të furnizohen me ujë të pijshëm.
Të kërkosh një gotë ujë në këto anë është e rrezikshme.
Ngjyra dhe era e rëndë janë vetëm pjesa e dukshme e ndotjes së ujit në Jagodinë dhe Marinëz. Efektet e përdorimit të tij të përditshëm janë konfirmuar me analiza por edhe nga sëmundshmmëria e banorëve të zonës.
Uji ndotet pasi në tubacionet e vjetëruara depërtojnë lendë hidrokarbure. Pas shpërthimit të fontanës së gazit në vitin 2015 drejtoria e shëndetit publik e ndaloi kategorikisht përdorimin e këtij uji.
Bashkia e Rroskovecit sapo tenderoi një investim për ujësjellësin e ri në këtë zonë.
Të zhgënjyer nga trajtimi i dëmëve të shpërthimit 2 vjet më parë banorët nuk besojnë sa kohë që nuk e shohin ujin në shtëpitë e tyre
Ujësjellësi i ri pritet të sjellë ujë të pijshëm për rreth 1200 banorë të zonës. Investimi kap shifrën e 67 milionë lekëve dhe parashikon rrjet të ri shpërndarjeje. Uji do të sigurohet nga një pus i ndërtuar nga bashkia . Në 10 vitet e fundit janë tenderuar disa projekte për ujësjellës në këtë zonë por asnjë prej tyre nuk e ka zgjidhur problemin./abcnews.al
https://youtu.be/oaQG_tClkDQ
