Loading ...Gazetari Artur Nura komentoi për ‘Ballkan Update’ protestën e mbajtur në sheshin ‘Skënderbej’ për padrejtësitë e bëra ndaj 5 ish krerëve të UÇK që po mbahen në paraburgimin e Hagës. Kjo ishte protesta e parë në kryeqytetin tonë, ndërkohë e treta pas Prishtinës. Nura tha se protesta i tejkaloi ndasitë politike dhe se qytetarët nuk kanë interes pushteti, por morali.
“Po të shkosh në mes të qytetarëve të protestës, ata janë të emancipuar dhe kanë ardhur nga larg, pjesa më e madhe e tyre e veshur si ushtarakë. Këtë e sjellë shoqëria, e tejkalojnë politikën. Jo rastësisht solla emancipimin e qytetarëve, që nuk kanë interes pushteti por moral. Kjo shkon në favor të shoqërisë dhe Shqipërisë.
Rama ka pasur në program që të ishte prezent, por kjo duhet ta ketë kompleksuar për shkak të debatit në parlament. Berisha që nuk ka lidhje me Vetëvendosjen, e kanë komplikuar për të ruajtur ekuilibrin partiak por nuk frenuan askënd që i thërriti detyra për të qenë në krah të atyre që kundërshtuan regjimin e Millosheviçit. “
