Kryeministri Edi Rama gjatë një takimi në Universitetin Bujqësor të Tiranës u shprehe se është hedhur një tjetër hap konkret drejt ndërkombëtarizimit të universiteteve të Shqipërisë me Memorandumin e Mirëkuptimit mes Universitetit Bujqësor të Tiranës (UBT) dhe Michigan State University (MSU).
“Kjo marrëveshje ngre urat për bashkëpunimin akademik për trajnimet, kërkimin shkencor, zhvillimin e kurrikulës, sigurimin e cilësisë, duke e bërë më tej UBT një destinacion tërheqës për të rinjtë, në rrugën e reformës së ndërmarrë bashkërisht mes Rektoratit dhe Ministrisë së Bujqësisë e të Zhvillimit Rural” është shprehur Rama.
Ndërkohë Prof. Fatbardh Sallaku shtoi se në këtë Universitet po kryejnë studime Master edhe studentë nga Afganistani të cilët u larguan nga vendi i tyre pas marrjes nën kontroll të këtij shteti nga Talebanët.
./abcnews.al/
