Ish-kryeministri portugez Antonio Costa, i cili është zgjedhur si presidenti i ardhshëm i Këshillit Europian, është zotuar të promovojë unitetin midis 27 vendeve anëtare të BE-së.
Duke pranuar përgjegjësinë që po merr përsipër, ai theksoi se do të fokusohet në “zbatimin e axhendës strategjike” në samit dhe që do të udhëheqë BE-në gjatë pesë viteve të ardhshme.
“Si president i Këshillit Europian, nga 1 dhjetori, do të angazhohem plotësisht për të promovuar unitetin mes 27 vendeve anëtare”, shkroi Costa.
62-vjeçari Antonio Costa dha dorëheqjen nëntorin e kaluar si kryeministër i Portugalisë, për shkak të një hetimi mbi parregullsitë e supozuara në trajtimin e projekteve të mëdha investimi nga qeveria e tij.
Ai ka mohuar keqbërjen, nuk është akuzuar dhe do të pasojë Charles Michel si president i Këshillit Europian.
/abcnews.al
