LASK Linz e ka pësuar rëndë, për shkak se ka tentuar të kryejë seanca stërvitore gjatë periudhës së pandemisë. Gjithçka u filmua dhe menjëherë nisën hetimet dhe tashmë ka edhe një vendim për dënimin e skuadrës që kryesonte kampionatin pas 22 javësh.
? BREAKING NEWS:#Bundesliga leaders LASK face a deduction of 12 points (from regular season total) and a €75k fine.
The club will appeal against what they see as a disproportionate penalty.
— The Other Bundesliga (@OtherBundesliga) May 28, 2020
Plot 12 pikë të hequra dhe 75 mijë euro gjobë, çka bën që LASK të zbresë në vendin e dytë, pas RB Salzburg. Skuadra austriake kishte grumbulluar 54 pikë, që bëhen 42 pikë. Faza e tretë nis me renditje të përgjysmuar dhe tashmë LASK numëron 21 pikë, tre më pak se Salzburg, që nga 48 pikë, shkon në 24.
LASK sigurisht që nuk është pajtuar me vendimin e marrë dhe do ta apelojë. Klubi austriak e konsideron shumë të rëndë dënimin për katër seanca stërvitore të kryera. Me tezën e një mase jo proporcionale me shkeljen e bërë, ata do tentojnë të ulin dënimin, sidomos pjesën e pikëve. /abcnews.al
