Drejtoria e Hetimit e SHÇBA-së, në bashkëpunim me Prokurorinë e Rrethit Gjyqësor Shkodër ka ndaluar shefin e Stacionit Policor Fushë Arrëz, i dyshuar për marrëdhënie seksuale me dhunë.
Ngjarja dyshohet se ka ndodhur në vitin 2016, hetimet në atë kohë u mbyllën por ngjarja është rihapur pas një deklarate të vet vajzës së fundmi.
Izmir Duraku dyshohet se ka përdhunuar të miturën në kohën kur ka qenë oficer i policisë gjyqësore teksa merrte deklarimet e vajzës.
Sipas SHCBA bazuar ne provat e mbledhura, ka dyshime te forta se ne muajin prill 2016, ajo është dhunuar seksualisht nga Duraku në ambientet e Komisariatit të Policisë Shkodër, kur efektivi ishte me detyrë Specialist i Hetimit të Krimeve.
Vajza e mitur, kishte shkuar në polici në atë kohë, për të denoncuar përdhunimin që i kishte ndodhur nga disa punonjës, në shtëpinë e fëmijës në Shkodër.
Siç raporton gazetari Simon Shkreli për abcnews.al nga hetimet dyshohet se në shtëpinë fëmijës në Shkodër ka patur edhe abuzime të tjera.
Mbrëmjen e djeshme SHÇBA njoftoi se kishte pezulluar nga detyra shefin e policisë së Fushë Arrëzit Izmir Duraku. /abcnews.al
