Dy të rinj në Korçë janë vënë në pranga pasi janë kapur duke transportuar 4 emigrantë të paligjshëm. Njoftohet se të arrestuarit janë L. O., 21 vjeç dhe F. S., 32 vjeç, banues në Prizren, Kosovë.
Të rinjtë nga Kosova u kapën nga policia në dalje të qytetit të Pogradecit, duke transportuar me mjetet tip “Volkswagen” dhe “Audi”, 4 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt fitimit.
Materialet i kaluan Prokurorisë së Rrethit Gjyqësor Pogradec, për veprën penale “Ndihma për kalim të paligjshëm të kufijve, kryer në bashkëpunim”. s.b/abcnews.al/
