Ish-presidenti amerikan Donald Trump do të kthejë artefaktet që i përkasin Izraelit dhe që janë “ruajtur” në rezidencën e tij Mar-a-Lago, tha ai në një deklaratë të enjten, pas zhurmës së shkaktuar nga një raport i fundit nga gazeta izraelite Haaretz, e cila thoshte se artefakte të vlefshme të lashta të huazuara nga Izraeli në SHBA në 2019, u gjetën së fundmi në rezidencën e tij Trump.
Në deklaratën e publikuar nga Wall Street Journal, Trump tha se një përfaqësues i Autoritetit të Artefakteve të Izraelit i dha atij artefaktet si pjesë e bashkëpunimit dhe se ai synonte t’i kthente ato në Izrael.
Izraeli më pas synoi të dërgonte një përfaqësues për t’i marrë artefaktet sërish por pandemia COVID-19 anuloi planet e vendit.
“Ne donim që një përfaqësues i yni të shkonte dhe t’i kthente, por më pas shpërtheu Covid dhe gjithçka u pezullua,” shpjegoi për Haaretz-i, drejtori i atëhershëm i Autoritetit të Artefakteve të Izraelit, Israel Hasson.
Kështu që departamenti i kërkoi donatorit izraelito-amerikan Saul Fox që t’i mbante artefaktet për një kohë të kufizuar por në njëfarë mënyre ato përfunduan në Mar-a-Lago.
Një zyrtar izraelit informoi për këtë çështje e quajti atë një “keqkuptim” dhe tha se Autoriteti i Artefakteve “u zgjua shumë vonë” në vend që të zgjidhte çështjen kur ndodhi ngjarja e Shtëpisë së Bardhë.
/abcnews.al
