Polonia mund të nënshkruajë një marrëveshje dypalëshe të sigurisë me Ukrainën përpara samitit të NATO-s në Uashington, tha këtë të premte kryeministri polak Donald Tusk.
Ai deklaroi se para samitit të NATO-s në Uashington, i cili fillon më 9 korrik, në Varshavë do të zhvillohen bisedime me presidentin e Ukrainës, Volodymyr Zelensky, raporton Reuters.
“Unë duhet të përcaktoj, së bashku me Ministrin e Mbrojtjes, se si mund të vazhdojmë të ndihmojmë Ukrainën, por në një mënyrë të tillë që të mos dobësojmë aftësitë mbrojtëse të Polonisë”. Ka 99 për qind mundësi që ta nënshkruajmë këtë marrëveshje me presidentin Zelensky (para samitit në Uashington)”, tha Tusk në një bisedë me gazetarët.
Ai shtoi se draft teksti i marrëveshjes është praktikisht i “përfunduar” dhe se duhet vetëm të sqarohen disa detaje dhe formulime.
Bashkimi Evropian si bllok dhe dy nga anëtarët e tij individualë, Lituania dhe Estonia, nënshkruan marrëveshje sigurie me presidentin ukrainas Volodymyr Zelensky të enjten në një samit në Bruksel./abcnews.al
