Më shumë se 700.000 punonjës shëndetësorë në Turqi kanë marrë dozën e parë kundër koronavirusit në 4 ditët e para të fushatës së vaksinimit në vend.
Turqia të enjten filloi fushatën e vaksinimit me vaksinën CoronaVac, e zhvilluar nga kompania kineze.
Grupi i parë prej 3 milionë dozash të vaksinës arriti në Turqi më 30 dhjetor. Pas vaksinimit të mbi 1 milionë punonjësve të kujdesit shëndetësor në Turqi, do të vaksinohen banorët dhe punëtorët në shtëpitë e kujdesit dhe pleqve, si dhe objektet e kujdesit për personat me aftësi të kufizuara.
Dy doza të vaksinës do të jepen me 28 ditë diferencë nga njëra-tjetra. Ata që janë shëruar nga COVID-19 nuk do të vaksinohen katër deri në gjashtë muajt e parë pas shërimit të tyre.
Këtë javë presidenti Recep Tayyip Erdoğan njoftoi se kufizimet do të lehtësohen gradualisht pasi rastet me COVID-19 kanë shënuar rënie në kohët e fundit./abcnews.al
