Presidenti amerikan Joe Biden ka përgëzuar Finlandën, Suedinë dhe Turqinë pasi të tre vendet nënshkruan një memorandum trepalësh që do t’u mundësojë dy shteteve nordike të anëtarësohen në NATO.
“Urime Finlandës, Suedisë dhe Turqisë për nënshkrimin e një memorandumi trepalësh, një hap vendimtar drejt NATO-s për Finlandën dhe Suedinë, që do të forcojë aleancën tonë dhe do të forcojë sigurinë tonë kolektive dhe një mënyrë e shkëlqyer për të filluar samitin”, shkroi Biden në Twitter.
Më herët sot, Turqia ra dakord të mbështesë anëtarësimin e përbashkët të Finlandës dhe Suedisë në NATO.
Presidenti i Finlandës Niinisto tha se përparimi erdhi pasi të tre vendet nënshkruan një memorandum të përbashkët “për të dhënë mbështetjen e tyre të plotë kundër kërcënimeve ndaj sigurisë së njëri-tjetrit” gjatë një takimi në Madrid. /abcnews.al
