Të shtunën mësohen tetë skuadrat çerekfinaliste të Kupës së Shqipërisë. FSHF ka zyrtarizuar programin për sfidat e turit të dytë të këtij kompeticioni dhe do të luhen në tre ditë.
Shumica e tyre zhvillohen të enjten, kurse Vllaznia-Elbasani dhe Laçi-Egnatia janë spostuar për të premten e të shtunën. Orari është i njëjtë për të gjitha sfidat, që nisin nga ora 13:00. 90 minuta për të përcaktuar ekipet që kalojnë më tej.
Të enjten spikatin dy përballje mes ekipeve të Superiores: Teuta-Kastrioti dhe Partizani-Apolonia. Tirana, finaliste sezonin e shkuar, do të ndeshet me Korabin e Kategorisë së Parë.
Bylisi duhet të kalojë Dinamon që eliminoi Flamurtarin, Kukësi Besën e drejtuar nga Artan Mërgjyshi, kurse Skënderbeu Pogradecin fqinj. /abcnews.al
