Trump u vërsulet rrjeteve sociale: Facebook dhe Twitter të bëjnë kujdes

Pasi akuzoi motorin e kërkimit Google për manipulime, presidenti Donald Trump ka paralajmëruar edhe rrjetet sociale Facebook dhe Twitter. “Nëse shohim ato që po bën Google, po bën Twitter-i dhe Facebook-u them se bëjnë mirë të bëjnë kujdes”, ka thënë Trump. Për presidentin amerikan, motori i kërkimit dhe mediat sociale po punojnë të ndikuara politikisht, duke censuruar të vërtetën dhe pa dhënë prova për ndjekësit e tyre. “Mendoj se Google, Twitter dhe Facebook po veprojnë në një terren të minuar dhe u duhet të bëjnë kujdes. Nuk është e drejtë t’ia bësh këtë pjesës dërrmuese të popullsisë”, ka thënë Trump. Ndërkohë, Shtëpia e Bardhë ka bërë me dije se ka nisur një hetim ndaj motorit të kërkimit në internet./abcnews.al