Loading ...
Presidenti amerikan Donald Trump ka prezantuar një projekt të ri ambicioz për Uashingtonin: një monument të stilit klasik të quajtur “L’Arc de Trump”, një version modern i “Arkut të Triumfit”. Ai synon që monumenti të inaugurohet për 250-vjetorin e pavarësisë së SHBA-ve dhe të ndërtohet pranë urës Memorial Bridge, afër varrezave kombëtare të Arlington.
Projekti u prezantua gjatë një darke luksoze në Shtëpinë e Bardhë me miliarderë dhe drejtues të kompanive teknologjike. Trump tregoi tre modele të monumentit dhe zgjodhi versionin më të madh, me një statujë të artë në majë që e quajti “Lady Liberty”. Arkitekti i projektit është Nicolas Leo Charbonneau nga Harrison Design.
Trump theksoi se monumenti do të financohet privatisht, pa fonde federale, dhe se është pjesë e një plani më të gjerë për rikthimin e stilit klasik në ndërtesat federale. Gjatë mbrëmjes, ai gjithashtu njoftoi ndërtimin e një salle të re balloje në Shtëpinë e Bardhë, me kosto rreth 250 milionë dollarë.
Nëse realizohet, “L’Arc de Trump” pritet të bëhet një simbol i ri i kryeqytetit amerikan dhe një shprehje e vizionit arkitekturor të Trump./abcnews.al
