Donald Trump ka postuar një sërë deklaratash në Twitter, të cilat akuzojnë Fox News. Trump u shpreh se ata – Fox News, një rrjet mbështetës ndaj Trump harruan çfarë i bëri të suksesshëm. “Ata e harruan vezën e artë,” shkroi ai në Twitter, raporton The Guardian.
.@FoxNews daytime ratings have completely collapsed. Weekend daytime even WORSE. Very sad to watch this happen, but they forgot what made them successful, what got them there. They forgot the Golden Goose. The biggest difference between the 2016 Election, and 2020, was @FoxNews!
— Donald J. Trump (@realDonaldTrump) November 12, 2020
“Renditjet e shikueshmërisë ditore janë ulur plotësisht. Në fundjavë ishte akoma më keq. Shumë e trishtë të shohësh këtë gjë, por ata harruan çfarë i bëri të suksesshëm, çfarë i çoi aty ku janë sot. Ata e harruan vezën e artë. Ndryshimi më i madh midis zgjedhjeve të vitit 2016 dhe zgjedhjeve të vitit 2020 ishte Fox News.” – shkroi Trump në një tjetër postim.
Marrëdhënia e tyre tradicionalisht miqësore u prish pasi Trump refuzoi të pranojë fitoren e kandidatit demokrat Joe Biden. Fox ishte një ndër të parët që lajmëroi fitoren e Biden në Arizona dhe paralajmëroi se pretendimet e Trump për fitore janë të rreme.
Kanali konservator Fox News ishte i preferuari i Trump. Ai shpesh thirrej nëpër intervista dhe punësoi disa punonjës të Fox në role në Shtëpinë e Bardhë dhe dukej se kalonte orë të tëra duke ndjekur Fox News. Por përpjekjet e rrjetit për të patur një mbulim mediatik elektoral sa më të ekuilibruar prishën raportin me Donald Trump.
Ky i fundit i drejtoi mbështetësit e tij te One America News dhe Newsmax. Fill pas kësaj, shikueshmëria në Newsmax u rrit me nga një mesatare 65,000 njerëz para zgjedhjeve në 800,000 shikues këtë javë, sipas raporteve të Nielsen të cituara nga New York Times. Raportohet se aplikacioni Newsmax ishte i katërti më i popullarizuar në App Store të enjten.
Përpos kësaj, mendohet se Trump ka në plan të themelojë kompaninë e tij mediatike konservatore për të rivalizuar Fox./abcnews.al
