Presidenti Donald Trump është i është rikthyer fushatës më pak se dy javë pasi u konfirmua pozitiv me koronavirus. Pas shërimit të tij, Trump iu rikthye tubimeve në Florida.
Para një turme prej disa mijëra, shumë prej të cilëve nuk kishin maska, ai denoncoi planet për të zgjatur mbylljet e mbështetura nga demokratët dhe u përpoq të vinte në dyshim mprehtësinë mendore të Biden.
Duke iu referuar shërimit të tij nga Covid-19, ai tha në një moment: “Ata thonë se jam imun, ndihem kaq i fuqishëm. Do të hyj atje dhe do t’i puth të gjithë. Do të puth djemtë dhe gratë e bukura, Unë do të të jap një puthje të madhe, të majme ”.
Presidenti dhe rivali Joe Biden po përpiqen të sigurojnë votat me tre javë deri në zgjedhjet e 3 nëntorit. Të hënën Biden foli në Ohio, një tjetër shtet i lëkundur, shkruan BBC, përcjell abcnews.al.
Sondazhet sugjerojnë se Biden ka një epërsi prej 10 pikësh ndaj Trump në shkallë vendi. Sidoqoftë epërsia e tij në disa shtete kryesore është më e ngushtë, siç është rasti në Florida, ku ai është 3.7 pikë përpara, sipas një mesatare të sondazheve të mbledhura nga Real Clear Politics.
LEXO EDHE: Shërohet Trump, mjeku: Presidenti negativ në testin ndaj Covid
Fushat e betejës si “Shteti i Diellit” janë thelbësore për mbledhjen e 270 votave të kolegjit elektoral të nevojshëm për të fituar Shtëpinë e Bardhë, e cila nuk përcaktohet nga një numërim i thjeshtë popullor i votave.
Trump doli pozitiv për Covid-19 rreth 11 ditë më parë dhe u pranua në Qendrën Mjekësore Walter Reed një ditë më vonë.
Por të dielën mjeku i tij personal tha që ai nuk ishte më një rrezik transmetimi Covid tek të tjerët dhe zbuloi të hënën se testet e tij më të fundit ishin negative gjatë ditëve të njëpasnjëshme, megjithëse ai nuk i dha datat. g.v/abcnews.al
